తెలుగు ప్ర‌జ‌ల కోసం పుట్టిన పార్టీ తెలుగుదేశం పార్టీ

తెలుగు ప్ర‌జ‌ల కోసం పుట్టిన పార్టీ తెలుగుదేశం పార్టీ అని శ్రీశైలం మాజీ ఎమ్మెల్యే బుడ్డా రాజశేఖర్ రెడ్డి అన్నారు. మంగ‌ళ‌వారం  తెలుగుదేశం పార్టీ 40వ ఆవిర్భావ దినోత్స‌వ వేడుక‌లు పార్టీ కార్యాలయంలో ఘనంగా నిర్వహించారు. టీడీపీ జెండా ఆవిష్కరించి ఎన్టీఆర్ చిత్రపటానికి పూలమాలలు వేసి ఘనంగా నివాళులర్పించారు. ఆత్మకూరు పట్టణంలోని స్థానిక టీడీపీ పార్టీ కార్యాలయం నందు శ్రీశైలం మాజీ ఎమ్మెల్యే బుడ్డా రాజశేఖర్ రెడ్డి రక్తదాన శిబిరాన్ని ప్రారంభించారు, అనంత‌రం రక్తదానం చేశారు. ఈ సందర్భంగా ఆయన  మాట్లాడుతూ ఆపదలో ఉన్నవారికి రక్తదానం చేయడం ప్రాణాన్ని నిలబెట్టడం అని తెలియజేశారు. రక్తదానం చేసిన వ్యక్తికి కొత్త రక్తం తయారై ఎంతో ఆరోగ్యంగా ఉత్తేజంగా ఉంటారని తెలిపారు. ప్రతి వ్యక్తి ఏడాదికి ఒక సారి రక్త దానం చేయడం ఎంతో మంచిదని పిలుపునిచ్చారు. మానవుడే మాధవుడు అని,అన్ని దానాల కన్నా రక్త దానం మిన్న అని, ఎవరైనా రక్తదాతలు రక్తాన్ని దానం చేసి మరొక ప్రాణాన్ని కాపాడవచ్చు అని అన్నారు. రక్తదానం చేసేందుకు ప్రతి ఒక్కరు ముందుకు రావాలని, తాను సమాజ సేవలో ముందు ఉంటానని తెలిపారు. ఈ కార్యక్రమము నందు టిడిపి నాయకులు, స్పోర్ట్స్ క్లబ్ చైర్మన్ మోమిన్ ముస్తఫా, రాష్ట్ర హజ్ కమిటీ మాజీ చైర్మన్ మోమిన్ అహ్మద్ హుస్సేన్, నంద్యాల పార్లమెంట్ టీడీపీ అధికార ప్రతినిధి మోమిన్ ముస్తఫా, అబ్దుల్లాపురం భాష, కురుకుంద మల్లికార్జున్ రెడ్డి, శ్రీధర్ రెడ్డి, టీడీపీ    కార్యకర్తలు  తదితరులు పాల్గొన్నారు.