భృంగివాహనంపై ఆది దంపతులు

భృంగివాహనంపై ఆది దంపతులు

 మహాలక్ష్మి అలంకారంలో భ్రమరాంబ దేవి

శ్రీశైలం, మార్చి 30, (సీమకిరణం న్యూస్)  : 

ప్రముఖ శైవక్షేత్రమైన శ్రీశైలమహాక్షేత్రంలోని శ్రీ భ్రమరాంబ మల్లికార్జున స్వామి వార్ల ఉగాది ప్రారంభపూజలు ఆలయ అర్చక స్వాములు సాంప్రదాయబద్దంగా ప్రారంభించారు. యాగశాల ప్రవేశం చండీశ్వర పూజ పారాయణలు ప్రత్యేక పూజలు ఆలయ అర్చక స్వాములు సాంప్రదాయబద్దంగా నిర్వహించారు. సాయంకాల పూజల అనంతరం గ్రామోత్సవంలో భాగంగా స్వామి అమ్మవార్ల ఉత్సవమూర్తులను భృంగివాహనంపై శ్రీ భ్రమరాంబ దేవి అమ్మవారి మహాలక్ష్మి అలంకారంలో భక్తులకు దర్శనమిచ్చారు. స్వామి అమ్మవార్ల ఉత్సవమూర్తులను అక్కమహాదేవి అలంకరణ మండపంలో అలంకరణ జయించి అలంకరణ పూజల అనంతరం ఉత్సవమూర్తులను గ్రామోత్సవానికి తీసుకొని వచ్చారు. గ్రామంలో విద్యుత్ దీప కాంతులను మా కళాకారుల విన్యాసాల నడుమ గ్రామోత్సవం ఎంతో వైభవంగా ముందుకు సాగింది ఈ విశేష కార్యక్రమంలో కార్యనిర్వహణాధికారి ఎస్ లవన్న దంపతులు ఆలయ అర్చక వేదపండితులు అధిక సంఖ్యలో పాల్గొన్న భక్తులు పాల్గొన్నారు.