వైస్సార్సీపీ నాయకుడు విజయ్ కుమార్ ను పరామర్శించిన ఎమ్మెల్యే హాఫిజ్ ఖాన్
కర్నూలు క్రైమ్, మార్చి 31, (సీమ కిరణం న్యూస్)
దుండగుల దాడిలో తీవ్ర గాయాలైన ఆర్టీసీ ట్రేడ్ యూనియన్ నాయకుడు మీసాల విజయ్ కుమార్ కర్నూలు ప్రభుత్వ ఆసుపత్రిలో చికిత్స పొందుతున్నారు. విషయం తెలుసుకున్న కర్నూలు ఎమ్మెల్యే హాఫిజ్ ఖాన్ ప్రభుత్వ ఆసుపత్రికి వెళ్లి చికిత్స పొందుతున్న ఆర్టీసీ ట్రేడ్ యూనియన్ నాయకుడు మీసాల విజయ్ కుమార్ ను గురువారం పరామర్శించారు. వైద్య సిబ్బందితో మాట్లాడి ఆరోగ్య పరిస్థితి గురించి అడిగి తెలుసుకున్నారు. మెరుగైన వైద్య సేవలు అందించాలని కర్నూలు ఎమ్మెల్యే హాఫిజ్ ఖాన్ వైద్యాధికారులను ఆదేశించారు. అలాగే విజయ్ కుమార్ కుటుంబానికి అండగా ఉంటామని హామీ ఇచ్చారు. ఇంతటి దారుణనికి కారకులైన ప్రతిఒక్కరిపై చట్టపరమైన చర్యలు తీసుకోవడం జరుగుతుందని తెలిపారు. వైస్సార్సీపీ నాయకులు కార్యకర్తలు తదితరులు పాల్గొన్నారు.
