8న నంద్యాల జిల్లా పర్యటనకు వస్తున్న రాష్ట్ర ముఖ్యమంత్రి
ఓర్వకల్లు ఎయిర్ పోర్ట్ లో భద్రతా ఏర్పాట్లు పరిశీలన :-
కర్నూలు కలెక్టరేట్, ఏప్రిల్ 06, (సీమకిరణం న్యూస్) :-
రాష్ట్ర ముఖ్యమంత్రి వైఎస్‌ జగన్‌ మోహన్‌ రెడ్డి ఈ నెల 8 వ తేదీన నంద్యాల జిల్లా పర్యటనకు వస్తున్న నేపథ్యంలో ముందస్తుగా ఓర్వకల్లు ఉయ్యాలవాడ నరసింహారెడ్డి ఎయిర్‌పోర్టులో భద్రతా ఏర్పాట్లను బుధవారం సాయంత్రం జిల్లా కలెక్టర్ పి.కోటేశ్వర రావు, ఎస్పీ సీహెచ్‌ సుధీర్‌ కుమార్‌ రెడ్డి, జాయింట్‌ కలెక్టర్ రామసుందర్‌రెడ్డిలతో కలిసి పరిశీలించారు. భద్రతా ఏర్పాట్లతో పాటు ప్రోటోకాల్ ప్రకారం అన్ని ఏర్పాట్లను పకడ్బందీగా చేపట్టాలని కలెక్టర్ పోలీస్, ఫైర్, వైద్య శాఖ అధికారులను ఆదేశించారు. ఎయిర్ పోర్ట్ పరిసరాలన్నీ పరిశుభ్రంగా ఉండేలా చూడాలని ఆర్డీవో, మున్సిపల్ అధికారులను ఆదేశించారు. ఈ కార్యక్రమంలో ఎయిర్ పోర్టు ఇంచార్జి డైరెక్టర్‌ మధుసూదన్, కర్నూలు ఆర్ డిఓ హరిప్రసాద్, డీఎస్పీ మహేష్, జిల్లా అధికారులు పోలీసులు, ఎయిర్ పోర్ట్ అధికారులు, తదితరులు పాల్గొన్నారు.
