ఎస్సెస్సీ విద్యార్థుల వీడ్కోలు

కామారెడ్డి జిల్లా రామారెడ్డి మండలం రెడ్డి పేట తండా పాఠశాలలో మధ్యాహ్నం 12 గంటల నుండి వీడ్కోలు సమావేశం ఏర్పాటు చేయడం జరిగింది. ముఖ్య అతిథిగా విచ్చేసిన సలావత్ బుచ్చిరెడ్డి మాట్లాడుతూ 10వ తరగతిలో ఉత్తీర్ణత సాధించడానికి చాలా చక్కగా చదవాలని తెలిపారు. తమ లక్ష్యం సాధించడానికి తపన చాలా చక్కగా ప్రణాళిక ప్రకారం చడవాలన్నారు. పరీక్షల సమయంలో పరీక్షా కేంద్రానికి ప్రయాణ సౌకర్యం కల్పిస్తామని హామీ ఇచ్చారు. జి.పి.ఏ 10.0 సాధించడానికి తగిన కృషి చేయాలని కోరారు. ఈ కార్యక్రమంలో పాఠశాల ఉపాధ్యాయులు లక్ష్మీరాజం, నరేష్,మహేందర్,అనురాధ, ప్రధానోపాధ్యాయులు శ్రీనివాస్ మాట్లాడుతూ విద్యార్థులు వంద శాతం ఉత్తీర్ణత సాధించాలని కోరారు. ఈ వీడ్కోలు సమావేశంలో వార్డు సభ్యులు బుచ్చిరెడ్డి,ఫీల్డ్ అసిస్టెంట్ బల్ రాం,మోతిలాల్, సలావత్ చందర్,గంగావత్ రాజేందర్ మరియు  ఉన్నత పాఠశాల ఉపాధ్యాయులు  లక్ష్మీరాజం, నరేష్, సుధారాణి, మహేందర్, సయ్యద్ ఖాజా ,అనురాధ, పాల్గొన్నారు. ఈ సందర్బంగా 9వ తరగతి మరియు 10వ తరగతి చదువుతున్న విద్యార్ధిని విద్యార్ధులు చేసిన నృత్యాలు విద్యార్థులను ఆకట్టుకున్నాయి.