పీడీఎస్ బియ్యంని పట్టుకున్న సీసీఎస్ పోలీసులు..

 గత కొన్ని సంవత్సరాలుగా అక్రమంగా పీడీఎస్ బియ్యం వ్యాపారాన్ని చేస్తున్న వ్యాపారస్తుడిని  శనివారం కామారెడ్డి సిసిఎస్ పోలీసులు నమ్మదగిన సమాచారం మేరకు కామారెడ్డి లో పంచముఖి హనుమాన్ మందిర పరిసర ప్రాంతంలో పట్టుకొని కామారెడ్డి పట్టణ పోలీస్ స్టేషన్ కు తరలించారు. పోలీసులు తెలిపిన వివరాల ప్రకారం రామారెడ్డి మండలం ఉప్పల్ వాయి  గ్రామానికి చెందిన  పబ్బ సాయి కుమార్ అలియాస్ చింటూ అక్రమంగా పిడిఎస్ బియ్యాన్ని రవాణా చేస్తుండగా నాకు వచ్చిన సమాచారం మేరకు కామారెడ్డి లో పంచముఖి హనుమాన్ ఆలయం సమీపంలోని బైరయ్య ఇంటి వద్ద వాహనాన్ని పట్టుకున్నట్టు వారు తెలిపారు. బొలెరో వాహనంలో  15 క్వింటాళ్ల వరకు పి డి ఎస్ బియ్యం ఉన్నట్లు వారు పేర్కొన్నారు. పట్టుకున్న వారిలో  సీసీఎస్,  సి ఐ,  మల్లేష్ గౌడ్, ఎస్ ఐ ఉస్మాన్, గణపతి, రాజేందర్  సిబ్బంది ఉన్నారు.