జార్జి రెడ్డి ఆశయ సాధన కోసం ఉద్యమిద్దాం

పీ డీ ఎస్ యూ నిర్మాత, జార్జి రెడ్డి ఆశయ సాధన కోసం ఉద్యమించాలని రాయలసీమ విశ్వవిద్యాలయం ప్రొఫెసర్ ఎన్ టి కె నాయక్ , పీ డీ ఎస్ యూ రాష్ట్ర కార్యదర్శి కె.భాస్కర్ పిలుపునిచ్చారు. అనంతరం రాయలసీమ విశ్వవిద్యాలయంలో జార్జిరెడ్డి 40వ వర్ధంతి సభల గోడ పత్రికను విడుదల చేయడం జరిగింది. ఈ సందర్భంగా వారు మాట్లాడుతూ పీ డీ ఎస్ యూ నిర్మాత, ఉస్మానియా అరుణతార జార్జిరెడ్డి 50వ అమరత్వ స్మారక సభలు ఏప్రిల్ 14 నుండి 20 వరకు జిల్లా వ్యాప్తంగా విస్తృతంగా జరపాలని పిలుపునిచ్చారు. విప్లవ విద్యార్థి ఉద్యమ చరిత్రలో జార్జిరెడ్డి త్యాగం చిరస్థాయిగా నిలుస్తుంది అని కొనియాడారు. ఆర్ఎస్ఎస్ మతోన్మాద ఫాసిస్టు శక్తులు చేతుల్లో బలైన జార్జి ప్రగతిశీల విద్యార్థి ఉద్యమానికి బాటలు వేశాడు అన్నారు. జార్జి విరోచిత త్యాగం నేటి విద్యార్థి,యువతకు ఆదర్శప్రాయం అని కొనియాడారు. జార్జిరెడ్డి మతోన్మాదానికి వ్యతిరేకంగా ఉద్యమించి అమరుడు అయ్యారని కొనియాడారు. నేడు మోడీ ప్రభుత్వం విద్య కాషాయీకరణ మతోన్మాదాన్ని పెంచి పోషించడానికి నూతన జాతీయ విద్యా విధానాన్ని అమలు చేస్తుందని దీనికి వ్యతిరేకంగా పెద్ద ఎత్తున ఉద్యమించాలని పిలుపునిచ్చారు. జార్జిరెడ్డి ఆశయ సాధన కోసం ఏప్రిల్ 14 నుండి 20వ తేదీ వరకు జరుగు   వర్ధంతి సభలను విజయవంతం చేయాలని పిలుపునిచ్చారు. ఈ కార్యక్రమంలో పీ డీ ఎస్ యూ యూనివర్సిటీ అధ్యక్షులు రవితేజ,నాయకులు మనోజ్, వరుణ్, నితిన్,సురేష్, గోపి, మోహన్, కిషోర్ మొదలైన వారు పాల్గొన్నారు.