కోరుకొండ సైనిక పాఠశాలకు ఎంపికైన విద్యార్థి పి.ఎం.కోవిద్ రెడ్డి :-
విద్యార్థిని అభినందించిన జిల్లా కలెక్టర్ పి.కోటేశ్వర రావు :-
కర్నూలు కలెక్టరేట్, ఏప్రిల్13, (సీమకిరణం న్యూస్) :
విజయనగరం జిల్లాలోని కోరుకొండ సైనిక పాఠశాలలో 2022-23 సంవత్సరానికి జనరల్ కేటగిరీకు సంబంధించి అత్యధిక మార్కులతో 324/400 9వ తరగతి ప్రవేశానికి విద్యార్థి పి.ఎం.కోవిద్ రెడ్డి ఎంపికయ్యారు. బుధవారం జిల్లా కలెక్టర్ వారి ఛాంబర్ లో కర్నూలు నుండి కోరుకొండ సైనిక్ స్కూల్‌కు ఎంపికైన పి.ఎం. కోవిద్ రెడ్డిని జిల్లా కలెక్టర్ శాలువాతో సన్మానం చేసి అభినందించారు. సైనిక పాఠశాలలో ఎంపిక కావడానికి శిక్షణ ఇచ్చిన తోట జనార్ధన్ ను జిల్లా కలెక్టర్ అభినందించారు. మంచి స్థాయికి ఎదగాలని విద్యార్థిని జిల్లా కలెక్టర్ సూచించారు. కర్నూలు జిల్లా తర్తురు గ్రామం నుంచి పి.ఎం.కోవిద్ రెడ్డి కోరుకొండ సైనిక్ స్కూల్ కు ఎంపిక కావడంతో గ్రామస్తులు హర్షం వ్యక్తం చేశారు. ఈ కార్యక్రమంలో కోచింగ్‌ సెంటర్‌ డైరెక్టర్‌ జనార్ధన్ తో పాటు విద్యార్థుల తల్లిదండ్రులు పాల్గొన్నారు.
