పేదలకు వరం గరీబ్ కళ్యాణ్ అవాస్ యోజన

పేదలకు వరం గరీబ్ కళ్యాణ్ అవాస్ యోజన

బిజేవైయం రాష్ట్ర ప్రధాన కార్యదర్శి డా బైరెడ్డి శబరి

నందికొట్కూరు, ఏప్రిల్ 13, (సీమకిరణం న్యూస్) :

దేశంలోని 80 కోట్ల మందికి మన దేశ ప్రధాని నరేంద్ర మోడీ ప్రభుత్వం ప్రవేశ పెట్టిన గరీబ్ కళ్యాణ్ ఆవాస్ యోజన ఒక వరంలా మారిందని బిజేవైయం రాష్ట్ర ప్రధాన కార్యదర్శి డా బైరెడ్డి శబరి పేర్కొన్నారు. ఈ మేరకు బుధవారం ఒక పత్రిక ప్రకటన విడుదల చేశారు. ఈ సందర్భంగా డా.బైరెడ్డి శబరి మాట్లాడుతూ, కరోనా వ్యాప్తిని దృష్టిలో పెట్టుకొని దేశ ప్రధాని నరేంద్ర మోడీ 80 కోట్ల మందికి ఉచితంగా ఆహార ధాన్యాలు పంపిణీ చేయడం సంతోషకరమన్నారు. గత నెల మార్చిలో ముగియాల్సిన ఈ పథకంకు మరొకసారి రూపును ఇస్తూ సెప్టెంబర్ వరకు పొడిగించి దాదాపుగా 80 వేల కోట్లు ఖర్చు చేయడం అభినందనీయం అన్నారు. దేశంలో వుండే 5 లక్షల రేషన్ షాపుల నుండి ఎక్కడైనా రేషన్ పొందేందుకు అవకాశం కల్పించడం ఒక్క మోడీకే సాధ్యం అన్నారు. ఇప్పటివరకు దేశంలో 61 కోట్ల మందికి పైగా తమ ఇళ్ళకు దూరంగా ఉన్న లబ్దిదారులు ఈ పథకం ద్వారా ప్రయోజనం పొందడం జరిగిందన్నారు.