అంబేద్కర్ ఆశయ సాధన కోసం ప్రతి ఒక్కరు కృషి చేయాలి

అంబేద్కర్ ఆశయ సాధన కోసం ప్రతి ఒక్కరు కృషి చేయాలి :

ఈవోఆర్డి కవిత రెడ్డి, గ్రామ సర్పంచ్ మాణిక్యమ్మ.

ఆత్మకూరు, ఏప్రిల్ 14, (సీమకిరణం న్యూస్) :

ఆత్మకూరు మండల పరిధిలోని కరివేన గ్రామంలో సచివాలయం నందు భారత రాజ్యాంగ నిర్మాత డాక్టర్ బి.ఆర్ అంబేద్కర్ 131 వ జయంతి వేడుకలు గ్రామ సర్పంచ్ మాణిక్యమ్మ, గ్రామ కార్యదర్శి మీనా కుమారి ఆధ్వర్యంలో ఘనంగా నిర్వహించారు. ఈ కార్యక్రమమునకు ముఖ్యఅతిథిగా ఈవోఆర్డి కవిత రెడ్డి హాజరయ్యారు. డాక్టర్ బి.ఆర్ అంబేద్కర్ చిత్రపటానికి పూలమాలలు వేసి నివాళులర్పించారు. ఈ సందర్భంగా ఆమె మాట్లాడుతూ…. అంబేద్కర్ ఆలోచనలు తూ.చ తప్పకుండా పాటించాలని అన్నారు. అంటరానితనం పై అలుపెరగని పోరాటం చేశారని, అంబేద్కర్ ఆశయ సాధన కోసం ప్రతి ఒక్కరు కృషి చేయాలని తెలియజేశారు. ఈ కార్యక్రమం నందు వైసిపి నాయకులు కార్యకర్తలు తదితరులు పాల్గొన్నారు.