ఆఫీస్ సబార్డినేట్ భాస్కర్ మృతి చాలా బాధాకరం
కర్నూలు జిల్లా సమాచార శాఖ, ఉప సంచాలకులు కె.జయమ్మ
భాస్కర్ పార్థివ దేహాన్ని సందర్శించి నివాళులు అర్పించిన సమాచార శాఖ ఉపసంచాలకులు, కార్యాలయ సిబ్బంది
కర్నూలు కలెక్టరేట్ , ఏప్రిల్ 15, (సీమకిరణం న్యూస్) :
నంద్యాల జిల్లా సమాచార పౌర సంబంధాల శాఖ కార్యాలయంలో విధులు నిర్వహిస్తున్న ఆఫీస్ సబార్డినేట్ భాస్కర్ మృతి చాలా బాధాకరమని కర్నూలు జిల్లా సమాచార శాఖ, ఉప సంచాలకులు కె.జయమ్మ అన్నారు. కర్నూలు నగర శివారులోని సూదిరెడ్డి పల్లిలో నివాసముంటున్న భాస్కర్ ఆకస్మికంగా మృతి చెందడంతో ఆయన పార్ధివ దేహాన్ని సందర్శించి నివాళులర్పించారు. ఆమె వెంట డివిజినల్ పిఆర్ఓ శివ కుమారయ్య, నంద్యాల సమాచార శాఖ డీపీఆర్ ఓ మల్లికార్జునయ్య, పీఆర్ ఓ ధర్మ నాయక్, కర్నూలు, నంద్యాల జిల్లా సమాచార శాఖ కార్యాలయ సిబ్బంది, కర్నూలు జిల్లా పాత్రికేయలు, తదితరులు పార్థివ దేహాన్ని సందర్శించి నివాళులు అర్పించారు.
