ముస్లింలకు ఇఫ్తార్ విందు ఏర్పాటు చేసిన బీసీ

ముస్లింలకు ఇఫ్తార్ విందు ఏర్పాటు చేసిన బీసీ

బనగానపల్లె, ఏప్రిల్ 19, (సీమకిరణం న్యూస్) :

పట్టణంలోని 25 మసీదుల నందు పవిత్ర రంజాన్ సందర్భంగా ముస్లిం సోదరులకు బనగానపల్లె మాజీ ఎమ్మెల్యే బీసీ జనార్దన్ రెడ్డి ఇఫ్తార్ విందు ఏర్పాటు చేయడం జరిగింది. వేసవి కాలం సైతం లెక్కచేయకుండా ముస్లింలు పాటిస్తున్న రోజాను కొనియాడారు. శాంతి స్థాపన కోసం అల్లా, మహమ్మద్ ప్రవక్త మార్గాన్ని అనుసరించాల్సిన ఆవశ్యకత ఎంతైనా ఉందన్నారు. రోజా అనంతరం ముస్లింలు ఇఫ్తార్ విందులో పెద్ద సంఖ్యలో పాల్గొని విజయవంతం చేశారు.ఈ కార్యక్రమంలో ముస్లిం పెద్దలు, జిల్లా ముస్లిం మైనార్టీ అధ్యక్షుడు అత్తర్ జాహిద హుస్సేన్, రాయలసీమ సలాం, వెల్కమ్ అల్తాఫ్, కాశీం బాబు, ఖాదర్ భాషా, అత్తర్ హర్షద్, పూల కలాం, ఇస్మాయిల్ ఖాన్ ముస్లింలు పిఎ మురళి మోహన్ రెడ్డి తదితరులు పాల్గొన్నారు.