సజావుగా పదవ తరగతి పరీక్షలు

సజావుగా పదవ తరగతి పరీక్షలు :

జిల్లా కలెక్టర్ పి. కోటేశ్వరరావు

కర్నూలు కలెక్టరేట్, ఏప్రిల్ 29, (సీమకిరణం న్యూస్) :

జిల్లాలో సజావుగా పదవ తరగతి పరీక్షలు జరుగుతున్నాయని జిల్లా కలెక్టర్ పి.కోటేశ్వరరావు పేర్కొన్నారు. శుక్రవారం కర్నూలు నగరం ఎన్.ఆర్.పేటలోని శ్రీలక్ష్మీ హై స్కూల్ లో పదవ తరగతి పరీక్ష కేంద్రాన్ని ఆకస్మికంగా పరిశీలించారు. పరీక్ష కేంద్రంలో మౌలిక వసతులతో పాటు వేసవి దృష్ట్యా తాగునీరు తదితర ఏర్పాట్లు సంబంధిత సిబ్బందిని అడిగి తెలుసుకున్నారు. సెల్ ఫోన్లు మరియు ఎలక్ట్రానిక్ వస్తువులు పరీక్ష కేంద్రంలోకి అనుమతించ కూడదని సిబ్బందికి జిల్లా కలెక్టర్ సూచించారు. ప్రశ్నపత్రాలు భద్రత, పంపిణీ పరీక్ష కేంద్రాల వద్ద గట్టి బందోబస్తును ఏర్పాటు చేయాలని సంబంధిత అధికారులను ఆదేశించారు. ఎక్కడా ఎలాంటి పొరపాట్లకు ఆస్కారం ఇవ్వరాదని స్పష్టం చేశారు.