శ్రమజీవుల్లో ధైర్యం నింపిన మేడే
కార్మికులకు మేడే శుభాకాంక్షలు
మైలవరం ఎమ్మెల్యే వసంత కృష్ణ ప్రసాద్
మైలవరం, మే 01, (సీమకిరణం న్యూస్) :
చెమటోడ్చి శ్రమించే కష్టజీవుల్లో మేడే ధైర్యాన్ని నింపిందని మైలవరం ఎమ్మెల్యే వసంత కృష్ణ ప్రసాద్ పేర్కొన్నారు. ప్రపంచ కార్మిక దినోత్సవం సందర్భంగా కార్మిక సోదర, సోదరీమణులకు మేడే శుభాకాంక్షలు తెలిపారు. ఈ మేరకు ఆయన ఆదివారం మీడియాకు ఓ ప్రకటన విడుదల చేశారు. కార్మిక హక్కుల కోసం గళమెత్తి పోరాడి అసువులు బాసిన కార్మిక సోదరులందరికీ జోహార్లు అర్పించారు. నేడు ఆంధ్రప్రదేశ్ రాష్ట్రంలో కార్మిక సంక్షేమమే లక్ష్యంగా వైఎస్ఆర్ కాంగ్రెస్ పార్టీ ప్రభుత్వం పని చేస్తుందని పేర్కొన్నారు. ముఖ్యమంత్రి వైయస్ జగన్మోహన్ రెడ్డి కార్మికుల సంక్షేమం కోసం ఎన్నో పథకాలు అమలు చేస్తున్నారని వెల్లడించారు.
