BREAKING NEWSCRIMEPOLITICSSTATE
నీటిలో పడి ఇద్దరు చిన్నారులు మృతి
నీటిలో పడి ఇద్దరు చిన్నారులు మృతి
నెల్లూరు జిల్లా, సంగం, మే 04, (సీమకిరణం న్యూస్) :
సంగం గ్రామంలో విషాదం చోటుచేసుకుంది. గ్రామంలోని హరిజనవాడ కాలనీ సమీపంలో ఉన్న కనిగిరి రిజర్వాయర్ ప్రధాన కాలువ వద్ద ఆడుకుంటూ ఇద్దరు చిన్నారులు ప్రమాదవశాత్తు కాలువలో పడి గల్లంతయ్యారు. పిల్లలు నీటిలో పడిపోయిన విషయాన్ని గమనించిన స్థానికులు గాలించి ఎనిమిదేళ్ల బాలుడు రాము, ఈశ్వర్ మృతదేహాలను బయటకు తీశారు. కళ్ళముందు ఆడుకుంటూ తిరుగుతున్న చిన్నారుల మృతి వార్త తెలియడంతో కుటుంబ సభ్యులు కన్నీరు మున్నీరుగా విలపిస్తున్నారు.ఈ ఘటనతో కాలనీలో విషాదఛాయలు అలముకున్నాయి.ఘటనా స్థలానికి చేరుకున్న పోలీసులు కేసు నమోదు చేసి విచారణ చేపడుతున్నారు.
