ఆపద సమయాలలో దిశ యాప్ సేవలు వినియోగించుకోండి
– దిశ డీఎస్పీ ఆర్ల శ్రీనివాసులు విజ్ఞప్తి
SRIT ఇంజనీరింగ్ కళాశాలలో దిశ యాప్ పై అవగాహన
అనంతపురం క్రైమ్, మే 06, (సీమకిరణం న్యూస్):
ఆపద సమయాలలో దిశ యాప్ సేవలు వినియోగించుకోవాలని అనంతపురం దిశ డీఎస్పీ ఆర్ల శ్రీనివాసులు విజ్ఞప్తి చేశారు. బుక్కరాయసముద్రం పోలీసు స్టేషన్ పరిధిలోని SRIT ఇంజనీరింగ్ కళాశాలలోని విద్యార్థులతో దిశ డీఎస్పీ ఆర్ల శ్రీనివాసులు ఆధ్వర్యంలో పోలీసులు ప్రత్యేక సమావేశం నిర్వహించారు. ఆపద సమయంలో దిశ SOS యాప్ ను ఎలా ఉపయోగించాలో అవగాహన చేశారు. మహిళల భద్రత కోసం ప్రభుత్వం చేస్తున్న కృషి, మహిళా చట్టాలు, సామాజిక మాధ్యమాల పట్ల అప్రమత్తత, అంశాలపై తెలియజేశారు. 350 మంది విద్యార్థులకు దిశా APP రిజిస్ట్రేషన్ చేయించారు. ఈకార్యక్రమంలో బుక్కరాయసముద్రం సి.ఐ రాము, SRIT ఇంజనీరింగ్ కళాశాల ప్రిన్సిపాల్ బాలకృష్ణ, దిశ సిబ్బంది, తదితరులు పాల్గొన్నారు.
