పోస్టుల భర్తీకి దరఖాస్తుల ఆహ్వానం

పోస్టుల భర్తీకి దరఖాస్తుల ఆహ్వానం..
జిల్లా కలెక్టర్

కర్నూలు కలెక్టరేట్, మే 18, (సీమకిరణం న్యూస్) :

మహిళాభివృద్ధి, శిశు సంక్షేమ శాఖ ఆధ్వర్యంలో నిర్వహిస్తున్న దిశ సఖి వన్ స్టాప్ సెంటర్ (సఖి) లో ఉద్యోగాలకు (కాంట్రాక్టు) అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా కలెక్టర్ పి కోటేశ్వరరావు ఒక ప్రకటనలో తెలిపారు. అత్యాచారానికి గురి అయిన మహిళలకు వన్ స్టాప్ సెంటర్ (సఖి) లో ఉద్యోగాలకు 50 శాతం రిజర్వేషన్ సౌకర్యం వుంది అని తెలిపారు. అభ్యర్థులు ఈ నెల 18 నుండి 26 లోగా (పని దినములలో మాత్రమే) ఉదయం 10.30 నుండి సాయంత్రము 5.00 వరకు కలెక్టరేట్ లోని స్త్రీ, శిశు సంక్షేమ శాఖ కార్యాలయం నందు దరఖాస్తులు సమర్పించవలెనన్నారు.విద్యార్హతలు, పూర్తి వివరాల కోసం వెబ్ సైట్ http://kurnool.ap.gov.in// ను పరిశీలించాలన్నారు.