బిఎస్పి అభ్యర్థి నంద ఓబులేసు ఇంటింటా ప్రచారం

బిఎస్పి అభ్యర్థి నంద ఓబులేసు ఇంటింటా ప్రచారం

నెల్లూరు, ఆత్మకూరు, ఏఎస్ పేట, జూన్ 10, (సీమకిరణం న్యూస్) :

ఆత్మకూరు అసెంబ్లీ నియోజకవర్గానికి జరిగే ఉప ఎన్నికల్లో బీఎస్పీ అభ్యర్థిగా పోటీలో ఉన్న ఆత్మకూరు కు చెందిన ప్రముఖ న్యాయవాది నంద ఓబులేసు శుక్రవారం మండల కేంద్రమైన ఏఎస్ పేటలో ఇంటింటా ప్రచారం నిర్వహించారు ఈ సందర్భంగా ముందుగా ఆయన స్థానికంగా ఉన్న ప్రముఖ పుణ్యక్షేత్రమైన హజ్రత్ సయ్యద్ ఖాజా రహంతుల్లా నాయబ్ రసూల్ స్వాములవారి దర్గాలో ప్రత్యేక ప్రార్థనలు నిర్వహించారు అనంతరం ఇంటింటా ప్రచారం నిర్వహించి ఉపఎన్నికల్లో బిఎస్పి అభ్యర్థి అయిన తనకు తమ పవిత్రమైన ఓటును వేయాలని అభ్యర్థించారు ఈ సందర్భంగా ఓబులేసు మాట్లాడుతూ నిరంతరం ప్రజలకు సేవ చేస్తూ ప్రజల్లో ఉండే తనకు ప్రజలందరూ మరింతగా ప్రజా సేవ చేసే అవకాశాన్ని కల్పించాలని ఎస్సీ ఎస్టీ బిసి మైనార్టీల సమస్యల కోసం తాను నిరంతరం పోరాటం చేస్తూ ఉంటానని ఆయన అన్నారు ఈ కార్యక్రమంలో బీఎస్పీ జిల్లా ఇన్చార్జి నేలటూరు నరసింహులు, నియోజకవర్గ ఇన్చార్జి చెన్నుపల్లి రామకృష్ణ, ఏఎస్ పేట కన్వీనర్ జ్యోతి శ్రీను, సంగం మండల కన్వీనర్ కృష్ణ, ఇతర బీఎస్పీ నాయకులు హరి, పెంచలయ్య, రామాపురం బాబు, రమణమ్మ, పెంచలమ్మ తదితరులు పాల్గొన్నారు.