సద్గురు యాత్ర ఎంతో గొప్పది -: టిజి భరత్
కర్నూలు టౌన్, జూన్ 17, (సీమకిరణం న్యూస్) :
భూసార పరిరక్షణపై ఆధ్యాత్మిక గురువు సద్గురు చేపట్టిన యాత్ర ఎంతో గొప్పదని టిడిపి నేత, టీజీవి సంస్థల జూనియర్ చైర్మన్ టిజి భరత్ అన్నారు. శుక్రవారం సద్గురు సేవ్ సాయిల్ యాత్ర కర్నూలు నగరానికి చేరుకున్న సందర్భంగా నిడ్జూరులో ఆయన సద్గురును కలిసి అభినందించారు. అనంతరం సద్గురుతో కలిసి కాసేపు మాట్లాడి మొక్కను నాటారు. నేలతల్లిని రక్షించాలన్న సంకల్పంతో గొప్ప కార్యక్రమం చేపట్టడం ఎంతో సంతోషించదగ్గ విషయమని ఈ సందర్భంగా భరత్ అన్నారు. ఈ కార్యక్రమంలో కాంగ్రెస్ పార్టీ సీనియర్ నేత కేవీపీ రామచంద్రరావు, మాజీ మార్కెట్ యార్డ్ చైర్మన్ రాంభూపాల్ రెడ్డి, పారిశ్రామిక వేత్త బి.వి రెడ్డి, రవీందర్ రెడ్డి, తదితరులు పాల్గొన్నారు.
