క్రీడాకారులను అభినందించిన డిఎస్పి మహేష్
కర్నూలు క్రైమ్, అక్టోబర్ 12, (సీమకిరణం న్యూస్):
ఈనెల 16 నుండి 18వ తేదీ వరకు ఉత్తరాఖండ్ రాష్ట్రంలో జరగనున్న 3వ జాతీయస్థాయి చౌక్ బాల్ పోటీలకు ఎంపికైన జిల్లా క్రీడాకారులను కర్నూల్ డిఎస్పి మహేష్ నగరంలోని డిఎస్పి కార్యాలయంలో అభినందించారు. ఈ సందర్భంగా డి.ఎస్.పి మహేష్ మాట్లాడుతూ జిల్లా క్రీడాకారులు జాతీయ స్థాయి పోటీలో పాల్గొని పతకాలతో తిరిగి రావాలన్నారు. ఈ కార్యక్రమంలో జిల్లా కార్యదర్శి వేణుగోపాల్, పిఈటి శ్రీనివాసులు పాల్గొన్నారు.
