ఆంధ్ర రాష్ట్ర తొలి రాజధానిని విస్మరించడం బాధాకరం
యువ నాయకుడు నౌషద్
కర్నూలు టౌన్ నవంబర్ 01, (సీమకిరణం న్యూస్)
ఆంధ్ర రాష్ట్ర తొలి రాజధాని కర్నూలును విస్మరించడం బాధాకరమని యువ నాయకుడు నౌషద్ ఆందోళన వ్యక్తం చేశారు. మంగళవారం ఆంధ్ర రాష్ట్ర అవతరణ దినోత్సవం పురస్కరించుకొని నగరంలోని పూల బజార్ లో గల అమరజీవి పొట్టి శ్రీ రాములు విగ్రహానికి పూల మాలలు వేసి నివాళులు అర్పించారు. అనంతరం ఆయన మాట్లాడుతూ జిల్లాలో ఎంతో మంది రాజకీయ నాయకులు ఉన్నప్పటికీ రాయలసీమ ప్రాంతాన్ని అభివృద్ధి పరచడంలో విఫలమయ్యారన్నారు. రాయలసీమకు పూర్వ వైభవం సాధించుకునేందుకు యువకులు ప్రశ్నించి, హక్కులు సాధన కోసం పోరాడాల్సిన అవసరం ఎంతైనా ఉందని అన్నారు.
