– వెలిమినేడులో ఘనంగా స్వపరిపాలన దినోత్సవం.

చిట్యాల మండలం వెలిమినేడు గ్రామంలోని మండల పరిషత్తు ప్రాథమిక పాఠశాలలో శుక్రవారం స్వపరిపాలన దినోత్సవాన్ని నిర్వహించారు. ఈ సందర్భంగా పలువురు విద్యార్థులు ఉపాధ్యాయులుగా తోటి విద్యార్థులకు విద్యాబోధన చేయగా, పలువురు విద్యార్థులు అధికారులుగా వ్యవహరించారు. అనంతరం ఉత్తమ ప్రతిభ కనబరిచిన విద్యార్థులకు బహుమతులు అందజేశారు. అదేవిధంగా పాఠశాలలో బోధకులుగా పనిచేసిన ఉపాధ్యాయులు చింత సునీత, నాగిళ్ళ అశోక్, మామిళ్ల జ్యోతిలు బదిలీపై వెళ్లారు. ఈ సందర్భంగా తోటి ఉపాధ్యాయులు, విద్యార్థులు ఆత్మీయ వీడ్కోలు సమావేశాన్ని ఏర్పాటు చేశారు.ఈ సందర్భంగా వారికి పూలమాలలు వేసి, శాలువాతో సత్కరించి, జ్ఞాపికను బహుకరించారు. ఆ గ్రామ సర్పంచ్ దేశబోయిన మల్లమ్మ పాపయ్య ముఖ్య అతిథిగా హాజరైన ఈ కార్యక్రమంలో స్కూల్ కాంప్లెక్స్ హెచ్ఎం నర్సింగరావు, జడ్పీహెచ్ఎస్ హెచ్ఎం నర్సిరెడ్డి, పాఠశాల హెచ్ఎం లింగయ్య,  విద్యాకమిటి చైర్మన్ రామచంద్రం, ఉపాధ్యాయులు గరిషె అంజయ్య తదితరులు పాల్గొన్నారు.