మహా శివునికి అయ్యప్ప స్వామి స్వయంపాకం సమర్పణ…
వెల్దుర్తి, నవంబర్ 21, (సీమకిరణం న్యూస్) :
వెల్దుర్తి సమీపంలోని బ్రహ్మగుండంలో వెలిసిన మహా శివునికి అయ్యప్ప స్వామి స్వయంపాకం సమర్పించడం జరిగింది. కార్తీకమాసంలో చివరి సోమవారం సందర్భంగా వెల్దుర్తిలోని జర్నలిస్ట్ కాలనీలో వెలసిన అయ్యప్ప స్వామి ఆలయం నుండి స్వయం పాకంకు సంబంధించిన బియ్యం, బాళ్లుతో పాటు ప్రత్యేక పూజకు అవసరమయ్యే వాటిని అయ్యప్ప మాలధారణ స్వాములు పాదయాత్రగా తీసుకెళ్లి స్వామికి సమర్పించారు. డప్పు వాయిద్యాలతో మాలధారణ స్వాములు పేట తుళ్ళి ఆడుకుంటూ పాదయాత్రగా వెళ్లారు. బ్రహ్మగుండంలో చేరుకున్న వెంటనే ఆలయ కమిటీ చైర్మన్ బొమ్మన పెద్దిరెడ్డి, ఈవో హనుమంతరావులు వారికి స్వాగతం పలికారు. అనంతరం కామేశ్వరి సమేత బ్రహ్మేశ్వర స్వామికి వాటిని అందించి ప్రత్యేక పూజలు చేశారు. ఈ కార్యక్రమంలో గురుస్వామి రామకృష్ణ అయ్యప్ప స్వామి ఆలయ కమిటీ సభ్యులు చిరంజీవి, మధు, మాలధారణ స్వాములు పాల్గొన్నారు.
