పందుల నుండి రక్షణ కల్పించండి

పందుల నుండి రక్షణ కల్పించండి

దాడిలో గాయపడ్డ మహిళ

కోసిగి, ఫిబ్రవరి 23, (సీమకిరణం న్యూస్) :

మండల కేంద్రమైన కోసిగిలో ని చింతలగేని వీధికి చెందిన 35 సంవత్సరాల వయస్సు గల లక్మి అనే మహిళ పందులు చేసిన దాడిలో తీవ్రంగా గాయపడింది.ఇంటి దగ్గర నుండి బహిర్బూమికి వెల్లు తుండగా ఒక్కసారిగా పందులు దాడికి దిగడంతో కిందపడిపోయిన లక్ష్మీ పలు చోట్ల గాయపరచడం జరిగింది.లక్ష్మీ వెంటనే అరువడంతో ఇరుగుపొరుగు వారు వెళ్లి పందుల బారినుండి ఆమెను విడిపించడం జరిగింది. ఎవరు విడిపించక పోయి ఉంటే నా ప్రాణాలు పోయేవని బాధిత మహిళ బోరున విలపించింది.బంధువులు వెంటనే చికిత్సా నిమిత్తం కోసిగి ఆసుపత్రికి తరలించగా పరిస్థితి విషమించడంతో ఆదోని ఆసుపత్రికి తరలించారు.కాగా ఇటీవల హైదరాబాద్ లో ఇటీవల కుక్కల దాడిలో బాలుడు మృతి చెందిన సంఘటన మరువక ముందే కోసిగిలో పందుల దాడిలో మహిళ తీవ్రంగా గాయపడడం చర్చనీయాంశంగా మారింది.వెంటనే అధికారులు స్పందించి పందులను బంధించి ప్రజలకు రక్షణ కల్పించాలని గ్రామ ప్రజలు కోరుతున్నారు.