విద్యతోనే అంబేద్కర్ ఉన్నత స్థాయికి ఎదిగారు : టిజి భరత్
కర్నూలు టౌన్, ఏప్రిల్ 14, (సీమకిరణం న్యూస్) :
చదువుతోనే అంబేద్కర్ ఉన్నత స్థాయికి ఎదిగారని కర్నూలు నియోజకవర్గ తెలుగుదేశం పార్టీ ఇన్చార్జి టిజి భరత్ అన్నారు. అంబేద్కర్ జయంతి సందర్భంగా కర్నూల్ లోని పాత బస్టాండ్ లోని ఆయన విగ్రహానికి దళిత నాయకులతో కలిసి వెళ్లి పూలమాలలు వేసి నివాళులర్పించారు. అనంతరం టీజీ భరత్ మాట్లాడుతూ భారత రాజ్యాంగం ప్రపంచానికే ఆదర్శం అన్నారు. రాజ్యాంగాన్ని ప్రజలందరూ ఫాలో అయితే భారతదేశం ప్రపంచంలోనే ఉన్నత స్థానంలో ఉంటుందన్నారు. అంబేద్కర్ చదువుకోవడం వలనే ఉన్నత స్థాయిలోకి వచ్చి రాజ్యాంగాన్ని రచించే స్థాయికి ఎదిగారని ఈ సందర్భంగా గుర్తు చేశారు. అందుకే ప్రతి ఒక్కరూ సమాజంలో విద్యను ప్రోత్సహించాలని టిజి భరత్ కోరారు. ఈ కార్యక్రమంలో దళిత నాయకులు గున్నా మార్క్, రవి, జేమ్స్, ప్రసాదరావు, పాల్ రాజ్, రాజ్ కుమార్, శివ, యేసు, ఈశ్వర్, పెంచులయ్య, సురేంద్ర, బొల్లెద్దుల రామకృష్ణ, మోహన్, గట్టు తిలక్, అఖిల్, దాస్, రంజిత్, తదితరులు పాల్గొన్నారు.
