విద్యుత్ ఘాతంతో యువకుడు మృతి
వెల్దుర్తి, జూన్ 20, (సీమకిరణం న్యూస్) :
వెల్దుర్తి మండల పరిధిలోని లక్ష్మీనగరం గ్రామంలో మంగళవారం విద్యుత్ ఘాతంతో యువకుడు మరణించిన సంఘటన చోటు చేసుకుంది. బంధువులు తెలిపిన వివరాల్లోకి వెళితే లక్ష్మీనగరం గ్రామానికి చెందిన (లేట్) వడ్డే శివశంకర్ కుమారుడు వడ్డే జగదీష్ (22) తన స్వగృహంలో విద్యుత్బలుపు వెలగక పోవడంతో కొత్త బల్బు మారుస్తుండగా కరెంట్ షాక్ కొట్టి స్పృహ కోల్పోయినట్టు తెలిపారు. వెంటనే సమీప బంధువులు వెల్దుర్తి ప్రభుత్వ ఆసుపత్రికి ఆటోలో తీసుకొస్తుండగా మార్గమధ్యలో చనిపోయినట్లు వైద్యులు నిర్ధారించినట్లు తెలిపారు. కేసు నమోదు చేసుకొని విచారిస్తున్నట్టు పోలీసులు తెలిపారు.
