యువగళం పాదయాత్రతో యువతలో నూతన ఉత్సాహం
డోన్ నియోజకవర్గం ఇంచార్జ్ ధర్మవరం సుబ్బారెడ్డి
ప్యాపిలి, జులై 11, (సీమకిరణం న్యూస్) :
టీడీపీ జాతీయ ప్రధాన కార్యదర్శి నారా లోకేష్ యువగళం పాదయాత్ర రెండు వెల కి.మీ ల మైలురాయిని పూర్తి చేసుకున్న సందర్భంగా మంగళవారం ప్యాపిలి మండలం టిడిపి నాయకులు ఆధ్వర్యంలో మండలం లోని రాచర్ల గ్రామం నుండి కంబగిరిస్వామి దేవస్థానం వరకు 6 కిలోమీటర్లు పాదయాత్ర నిర్వహించి కంబగిరిస్వామి దేవస్థానం నందు ప్రత్యేక పూజలను నిర్వహించారు. ఈ కార్యక్రమంలో ముఖ్య అతిథులుగా డోన్ నియోజకవర్గ టిడిపి ఎమ్మెల్యే అభ్యర్థి ధర్మవరం సుబ్బారెడ్డి , రాష్ట్ర తెలుగుదేశంపార్టీ కార్యదర్శి వలసల రామకృష్ణ మాజీ ఎంపిపి ఆర్.ఈ.రాఘవేంద్ర హాజరయ్యారు. ధర్మవరం మన్నే సుబ్బారెడ్డి మాట్లాడుతూ నారా లోకేష్ ప్రతిష్టాత్మకంగా చేపట్టిన యువగళం పాదయాత్ర కార్యక్రమం రెండు వెల కిలోమీటర్లు పూర్తి అవుతుందని, రోజు రోజుకు యువగళం పాదయాత్రకు ప్రజల నుంచి వస్తున్న అనూహ్య స్పందన అధికారపార్టీలో ప్రకంపనలు సృష్టిస్తోందని అన్నారు. దారి పొడవునా యువనేతకు జనం నీరాజనాలు పడుతూ తాము ఎదుర్కొంటున్న సమస్యలను వివరిస్తున్నారని. వైసిపి సైకో మూకలు ఒకవైపు, జగన్ రెడ్డి తొత్తులుగా మారిన పోలీసులు మరోవైపు అడుగడుగునా ఆటంకాలు సృష్టించినా నారా లోకేష్ ఉక్కుసంకల్పం ముందు దిగదుడుపే అయ్యాయని అన్నారు. దారిపొడవునా వేలాది ప్రజలు లోకేష్ ని కలిసి తమ కష్టాలు చెప్పుకున్నారని అన్నారు. కావున జగన్ రెడ్డిని గద్దె దింపేంత వరకు తెలుగుదేశంపార్టీ నాయకులు, కార్యకర్తలు కష్టపడి నారా చంద్రబాబునాయుడుని ముఖ్యమంత్రిని చేసుకోవాలని అన్నారు. ఈ కార్యక్రమంలో రాష్ట్ర తెలుగుదేశంపార్టీ ఎస్సీ సెల్ అధికార ప్రతినిధి గంధం శ్రీనివాసులు, సీనియర్ టిడిపి నాయకులు లక్ష్మినారాయణ యాదవ్,డోన్ నియోజకవర్గ టిడిపి యువ నాయకులు ధర్మవరం గౌతమ్ రెడ్డి ప్యాపిలి మండలం టిడిపి నాయకులు గండికోట రామసుబ్బయ్య,భూశెట్టి చిన్న సుంకయ్య, గొల్ల రామ్మోహన్ యాదవ్ , ఎర్రగుంటపల్లె వేంకటేశ్వర రెడ్డి, నాగేంద్ర , సుదర్శన్, కోదండరామయ్య యాదవ్, దానం మధు పూజారి శివ కిషోర్ మరియు నియోజకవర్గ, మండల టిడిపి నాయకులు, కార్యకర్తలు పాల్గొన్నారు.
