మేయర్ గారూ…! దోమల నివారణ చర్యలేవి
ఎస్ డి పి ఐ నగర అధ్యక్షులు అస్పాక్
కర్నూలు టౌన్, జనవరి 19, (సీమకిరణం న్యూస్):
ఇటీవల కాలంలో నగర వ్యాప్తంగా దోమలు అధికమయ్యాయని దీంతో నగరవాసులకు రాత్రి సమయాల్లో కంటి మీద కునుకు లేకుండా పోతుందని ఎస్ డి పి ఐ నగర అధ్యక్షులు అస్పాక్ పేర్కొన్నారు. నగర పాలక మేయర్ ఉన్నప్పటికీ నివారణ దిశగా ఎందుకు అడుగులు పడటం లేదని ఆయన సూటిగా ప్రశ్నించారు. ముఖ్యంగా పాతబస్తీలోని వార్డుల్లో మురుగునీటి వ్యవస్థ సక్రమంగా లేకపోవడంతో దోమల వ్యాప్తికి అడ్డగా మారిందన్నారు. ప్రతి ఇంటిలో విష జ్వరాల బారిన పడి ఇబ్బందులు పడుతున్నారని ఆందోళన వ్యక్తం చేస్తున్నారు.
