వెల్దుర్తిలో వైసీపీకి మరో భారీ షాక్
వెల్దుర్తిలో వైసీపీకి మరో భారీ షాక్
వైసిపి నుండి టిడిపిలోకి 65 కుటుంబాలు చేరిక
కేఈ శ్యాంబాబు సమక్షంలో తెదేపాలో చేరిన 65 వైసీపీ కుటుంబాలు
ఎన్ డి ఏ కూటమిదే విజయం : పత్తికొండ తెదేపా ఎమ్మెల్యే అభ్యర్థి కేఈ శ్యామ్ బాబు
కర్నూలు ప్రతినిధి/ వెల్దుర్తి , మార్చి 25, (సీమకిరణం న్యూస్):
రాబోయే ఎన్నికల్లో ఎన్డీఏ కూటమిదే విజయం అని పత్తికొండ నియోజకవర్గం తెలుగుదేశం ఎమ్మెల్యే అభ్యర్థి కేఈ శామ్ బాబు పేర్కొన్నారు. సోమవారం వెల్దుర్తిలోని బొమ్మన శంకర్ రెడ్డి కార్యాలయంలో బొమ్మన శంకర్ రెడ్డి, బొమ్మన రమాకాంత్ రెడ్డి, వెల్దుర్తి మండల తెదేపా అధ్యక్షులు బలరాం గౌడ్ ఆధ్వర్యంలో వెల్దుర్తి పట్టణానికి చెందిన దాదాపు 65 కుటుంబాలు వైసీపీ నుండి తెలుగుదేశంలోనికి కేఈ శ్యాంబాబు సమక్షంలో చేరారు. వీరికి కేయి శ్యాంబాబు పార్టీ కండువా కప్పి పార్టీలోనికి ఆహ్వానించారు. ఈ సందర్భంగా కేఈ శ్యాంబాబు మాట్లాడుతూ రాబోయే ఎన్నికల్లో ఎన్డీఏ కూటమి విజయం ఖాయం అన్నారు. చంద్రబాబు నాయుడు ముఖ్యమంత్రి అయితే రాష్ట్రం అభివృద్ధి చెందుతుంది అన్నారు. సైకిల్ గుర్తుకు ఓటు వేసి తనను గెలిపించాలని సందర్భంగా వారిని కోరారు. ఈ సందర్భంగా జనసేన పార్టీ నాయకులు కేఈ శ్యాంబాబును కలిశారు.
