ఎండను సైతం లెక్కచేయకుండా ప్రచారంలో దూసుకుపోతున్న కేఈ శ్యామ్ బాబు

రాష్ట్రాభివృద్ధి, సంక్షేమ పథకాలతో పాటు యువత భవిష్యత్తుకు గ్యారెంటీ చంద్రబాబు నాయుడుతోనే సాధ్యమని పత్తికొండ నియోజకవర్గం తెదేపా ఎమ్మెల్యే అభ్యర్థి కేఈ శ్యామ్ బాబు తెలిపారు.  వెల్దుర్తి మండలంలోని ఎల్ కొట్టాల, పేరాముల గ్రామంలో పత్తికొండ నియోజకవర్గం తెలుగుదేశం ఎమ్మెల్యే అభ్యర్థి కేఈ శ్యామ్ బాబు, కర్నూలు ఎంపీ అభ్యర్థి బస్తిపాటి నాగరాజు (పంచలింగాల) తో కలిసి ఎన్నికల ప్రచారం నిర్వహించారు. ఎల్ కొట్టాల, పేరాముల గ్రామాలలో కేఈ శ్యామ్ బాబు,  కర్నూల్ ఎంపీ అభ్యర్థి బస్తిపాటి నాగరాజు (పంచలింగాల) కు నాయకులు, ప్రజలు ఘనస్వాగతం పలికారు.  ఇద్దరు కలిసి ఇంటింటికి వెళ్లి సూపర్ సిక్స్ పథకాలను ప్రజలకు వివరించారు.

ఈ సందర్భంగా వారు మాట్లాడుతూ చంద్రబాబు నాయుడు ముఖ్యమంత్రి అయితేనే రాష్ట్ర అభివృద్ధి సాధ్యమన్నారు. తెలుగుదేశం పార్టీ సైకిల్ గుర్తుకి ఓటు వేసి తమను గెలిపించాలని ఓటర్లను వారు విజ్ఞప్తి చేశారు. ఈ కార్యక్రమంలో వెల్దుర్తి మండల నాయకులు, ఎల్ కొట్టాల, పెరాముల గ్రామంలోని ముఖ్య నాయకులు కార్యకర్తలు పాల్గొన్నారు.