చెరుకులపాడులో వైసీపీకి భారీ షాక్

చెరుకులపాడులో వైసీపీకి భారీ షాక్ తగిలింది. ఎమ్మెల్యే సొంతూరు అయిన చెరుకులపాడు గ్రామంలో వైసీపీకి చెందిన 15 కుటుంబాలు తెలుగుదేశం పార్టీలోకి చేరారు. మంగళవారం వెల్దుర్తి పట్టణంలోని తెలుగుదేశం పార్టీ కార్యాలయంలో పత్తికొండ నియోజకవర్గం తెదేపా ఎమ్మెల్యే అభ్యర్థి  కేఈ శ్యామ్ బాబు సమక్షంలో చెరుకులపాడు గ్రామంలోని వైసీపీకి చెందిన 15 కుటుంబాలు తెలుగుదేశం పార్టీలోకి చేరగా వారికి కేఈ శ్యామ్ బాబు కండువాలు కప్పి పార్టీలోకి  ఘనంగా ఆహ్వానించారు. వైకాపా ప్రభుత్వంలో పత్తికొండ నియోజకవర్గం అభివృద్ధికి నోచుకోలేదని మన టిడిపి ప్రభుత్వం అధికారంలోకి రాగానే కచ్చితంగా అభివృద్ధి చేస్తానని  కేఈ శ్యామ్ బాబు హామీ ఇచ్చారు. ఈ కార్యక్రమంలో వెల్దుర్తి మండలానికి చెందిన తెలుగుదేశం పార్టీ నాయకులు కార్యకర్తలు మరియు చెరుకులపాడు చెందిన నాయకులు కార్యకర్తలు పాల్గొన్నారు.