వెల్దుర్తి టిడిపిలో ఫుల్ జోష్….చేరికలు…ఇంటింటి ప్రచారం

వెల్దుర్తిలో ఇంటింటికి ప్రచారంలో పాల్గొన్న కేఈ శ్యామ్ బాబు

వెల్దుర్తి పట్టణంలోని 8, 11వ వార్డులో బుధవారం పత్తికొండ నియోజకవర్గం తెదేపా ఎమ్మెల్యే అభ్యర్థి కేఈ శ్యామ్ బాబు ఇంటింటికి తిరుగుతూ ప్రచారం నిర్వహించారు. కేఈ శ్యామ్ బాబుకు స్థానికులు బ్రహ్మరథం పట్టారు. బాబు సూపర్ సిక్స్ పథకాల గురించి ఇంటింటికి వెళ్లి ప్రజలకు వివరించారు. ఇంటింటికి ప్రచార కార్యక్రమంలో కేఈ శ్యామ్ బాబుతో పాటు వెల్దుర్తి మాజీ ఎంపీపీ జ్ఞానేశ్వర్ గౌడ్, టిడిపి జిల్లా సీనియర్ నాయకుడు బొమ్మిరెడ్డి పల్లి సుబ్బారాయుడు, టీడీపీ మండల అధ్యక్షుడు బలరాం గౌడ్, మాజీ టీడీపీ  మండల అధ్యక్షుడు సుదేపల్లి జయ రాముడు, సుధాకర్ గౌడ్ ఉన్నారు. ఈ సందర్భంగా ఆయన మాట్లాడుతూ మహిళ, రైతు, యువత, వెనుకబడిన తరగతుల సాధికారత, బలోపేతంతోపాటు ఇతర సంక్షేమ, అభివృద్ధి కార్యక్రమాలతో పేదలను ధనికులుగా తీర్చిదిద్దడానికి తెలుగుదేశం పార్టీ జాతీయ అధ్యక్షులు  నారా చంద్రబాబు నాయుడు ప్రకటించిన తొలి ఏజెండా “బాబు ష్యూరిటీ – భవిష్యత్తుకు గ్యారెంటీ (బాబు సూపర్ 6)” మ్యానిఫెస్టో గురించి ప్రజలకు వివరించినట్లు తెలిపారు. ప్రజలను చైతన్యవంతం చేసి, 2024లో టిడిపి అధికారంలోకి వచ్చాక “బాబు సూపర్ 6” లోని వాగ్దానాలను ఎటువంటి వివక్ష లేకుండా, నిబంధనలు విధించకుండా అమలు చేయడంతో పాటు మన రాష్ట్ర అభివృద్ధికి పాటుపడడానికి చంద్రబాబు నాయుడు కృషి చేస్తారని ఆయన అన్నారు. ప్రతి ఒక్కరూ “బాబు సూపర్ 6” లోని పథకాలు ప్రతి వార్డులోని ప్రజలందరికీ అర్థమయ్యే రీతిలో వివరించాలన్నారు. ఈ కార్యక్రమంలో వెల్దుర్తి మండలం చెందిన తెలుగుదేశం పార్టీ, బీజేపీ నాయకులు, జనసేన నాయకులు మరియు 8,11వార్డు స్థాయిల్లో వివిధ హోదాల్లో ఉన్నటువంటి నాయకులు, మహిళలు, కార్యకర్తలు, యువకులు  పాల్గొన్నారు.