తెలుగుదేశం పార్టీ గెలుపే లక్ష్యంగా పని చేయాలి

తెలుగుదేశం పార్టీ గెలుపే లక్ష్యంగా పని చేయాలి

పత్తికొండ నియోజకవర్గం తెదేపా ఎమ్మెల్యే అభ్యర్థి కేఈ శ్యామ్ బాబు

ఇంటింటికి ప్రచారంలో కేఈ శ్యామ్ బాబుకు బ్రహ్మరథం పట్టిన స్థానికులు

బాబు ష్యూరిటి భవిష్యత్ గ్యారెంటీ ( సూపర్ 6) పై విస్తృత ప్రచారం

కర్నూలు ప్రతినిధి/ వెల్దుర్తి, ఏప్రిల్ 03, (సీమకిరణం న్యూస్) :

2024 సార్వత్రిక ఎన్నికల్లో తెలుగుదేశం పార్టీ గెలుపే లక్ష్యంగా ప్రతి ఒక్కరు కలిసికట్టుగా పని చేయాలని పత్తికొండ నియోజకవర్గం తెదేపా ఎమ్మెల్యే అభ్యర్థి కేఈ శ్యామ్ బాబు పిలుపునిచ్చారు. బుధవారం క్రిష్ణగిరి మండలంలోని సోత్రం యర్రగుడి, మన్నెకుంట గ్రామాలలో బాబు ష్యూరిటి భవిష్యత్ గ్యారెంటీ ( సూపర్ 6) పై కేఈ శ్యామ్ బాబు విస్తృత ప్రచారం నిర్వహించారు. కేఈ శ్యామ్ బాబుకు స్థానికులు బ్రహ్మరథం పట్టారు. ఈ సందర్భంగా కేఈ శ్యామ్ బాబు మాట్లాడుతూ మహిళ, రైతు, యువత, వెనుకబడిన తరగతుల సాధికారత, బలోపేతంతోపాటు ఇతర సంక్షేమ, అభివృద్ధి కార్యక్రమాలతో పేదలను ధనికులుగా తీర్చిదిద్దడానికి తెలుగుదేశం పార్టీ జాతీయ అధ్యక్షులు నారా చంద్రబాబు నాయుడు ప్రకటించిన తొలి ఏజెండా “బాబు ష్యూరిటీ – భవిష్యత్తుకు గ్యారెంటీ (బాబు సూపర్ 6)” మ్యానిఫెస్టో గురించి ప్రజలకు వివరించి, ప్రజలను చైతన్యవంతం చేసి, 2024లో టిడిపి అధికారంలోకి వచ్చాక “బాబు సూపర్ 6” లోని వాగ్దానాలను ఎటువంటి వివక్ష లేకుండా, నిబంధనలు విధించకుండా అమలు చేయడంతో పాటు మన రాష్ట్ర అభివృద్ధికి పాటు పడడానికి చంద్రబాబు నాయుడు కృషి చేస్తారని, ప్రతి ఒక్కరూ “బాబు సూపర్ 6” లోని పథకాలు అందరికీ అర్థమయ్యే రీతిలో వివరించాలన్నారు. ఈ కార్యక్రమంలో క్రిష్ణగిరి మండలం చెందిన తెలుగుదేశం పార్టీ, బీజేపీ నాయకులు, జనసేన నాయకులు మరియు సోత్రం యర్రగుడి , మన్నెకుంట గ్రామ స్థాయిల్లో వివిధ హోదాల్లో ఉన్నటువంటి నాయకులు, మహిళలు, కార్యకర్తలు, యువకులు పాల్గొన్నారు.