ఎన్నికల ప్రచారంలో స్పీడ్ పెంచిన ఎమ్మెల్యే శ్రీదేవి

పత్తికొండ నియోజకవర్గంలోని వెల్దుర్తి పట్టణంలో ఎన్నికల ప్రచారంలో భాగంగా పత్తికొండ ఎమ్మెల్యే శ్రీదేవి తన ప్రచారాన్ని మరింత వేగవంతం చేశారు. ప్రభుత్వం అమలు చేసిన అభివృద్ధి సంక్షేమ పథకాల గురించి ఎన్నికల ప్రచారంలో ప్రజల మధ్యకు వెళ్లి వివరించారు. శనివారం వెల్దుర్తి పట్టణంలోని పలు వార్డుల్లో ఎన్నికల ప్రచారం నిర్వహించారు. ఇంటింటికి వెళ్లి జగనన్న ప్రభుత్వం వచ్చిన తర్వాత ప్రతి ఇంటికి చేకూరిన లబ్ధిని వివరిస్తూ మరోసారి ఎమ్మెల్యే గా తనకు ఎంపిగా బివై రామయ్య కు రెండు ఓట్లు ఫ్యాన్ గుర్తుకు వేసి గెలిపించాలని ప్రజలను కోరారు. ఈ సందర్భంగా ఎమ్మెల్యే మాట్లాడుతూ ప్రభుత్వ పథకాలు ప్రజల చెంతకు చేర్చిన వైఎస్ఆర్సిపి ప్రభుత్వానికి మరోసారి ఆశీర్వదించాలని ప్రజలను కోరారు. రానున్నది జగన్ ప్రభుత్వమేనని ఓటర్లకు  తెలిపారు. జగనన్న ప్రభుత్వం వచ్చిన తర్వాత నవరత్నాల పథకాలు అమలు చేసి ప్రతి ఇంటికి సంక్షేమ అందించిన ఘనత తమ పార్టీకే దక్కుతుందని అన్నారు. రాబోవు రోజుల్లో ముఖ్యమంత్రిగా జగన్మోహన్ రెడ్డి గారిని తిరిగే గెలిపించుకొని మరిన్ని సంక్షేమ పథకాలు మరింత మెరుగ్గా అమలు అయ్యేలా ప్రతి గ్రామం అభివృద్ధి చేసి చూపిస్తామని అన్నారు. ఈ కార్యక్రమంలో వెల్దుర్తి మండలంలోని వైఎస్ఆర్ పార్టీ నాయకులు కార్యకర్తలు మరియు పాల్గొన్నారు…