నూర్ అహ్మద్ ఇంటికీ ఎమ్మెల్యే శ్రీదేవి 

మద్దతుతో పాటు ఓటు వేయాలని కోరిన ఎమ్మెల్యే

తేనేటి విందు స్వీకరించిన ఎమ్మెల్యే శ్రీదేవి

కర్నూలు ప్రతినిధి/ వెల్దుర్తి, ఏప్రిల్ 08, (సీమకిరణం న్యూస్) :

ఎన్నికల ప్రచారంలో భాగంగా వెల్దుర్తి పట్టణానికి చెందిన ముస్లిం మైనార్టీ నాయకులు రిటైర్డ్ ఆర్టీసీ డ్రైవర్ నూర్ అహ్మద్ ఆహ్వానం మేరకు పత్తికొండ ఎమ్మెల్యే కంగాటి శ్రీదేవి ఆయన ఇంటికి వెళ్ళారు. నూర్ అహ్మద్ తో పాటు ఉస్మాన్, షఫీ, ఖలీల్ , నజీర్, షబాన , వార్త విలేఖరి అమీర్ తదితరులు ఎమ్మెల్యే శ్రీదేవికి స్వాగతం పలికారు. వారి యోగక్షేమాలు అడిగి తెలుసుకుని అనంతరం తేనేటి విందు స్వీకరించారు. తనకు మద్దతు ఇవ్వాలని అలాగే అందరితో ఓటు వేయించే బాధ్యత మీదేనని నూర్ అహ్మద్ ను ఎమ్మెల్యే శ్రీదేవి కోరారు. ముఖ్యమంత్రి వైఎస్ జగన్మోహన్ రెడ్డి తనకు రెండోసారి ఎమ్మెల్యేగా అవకాశం ఇచ్చారని ఎమ్మెల్యే గా తనకు ఎంపిగా బివై రామయ్య కు రెండు ఓట్లు ఫ్యాన్ గుర్తుకు వెయ్యాలని ఎమ్మెల్యే శ్రీదేవి కోరారు. అనంతరం వెల్దుర్తిలోని ఒకటో వార్డు నుండి ఎన్నికల ప్రచారం నిర్వహించారు.