అట్టహాసంగా ఎమ్మెల్యే శ్రీదేవి నామినేషన్ దాఖలు…
కర్నూలు ప్రతినిధి/పత్తికొండ, వెల్దుర్తి, ఏప్రిల్ 19, (సీమకిరణం న్యూస్) :
పత్తికొండ నియోజకవర్గం వైసీపీ ఎమ్మెల్యే అభ్యర్థిగా కంగాటి శ్రీదేవి శుక్రవారం అట్టహాసంగా నామినేషన్ దాఖలు చేశారు. ముందుగా ఆర్ అండ్ బి గెస్ట్ హౌస్ నుండి వేలాదిమంది పార్టీ శ్రేణులతో పట్టణ పురవీధుల గుండా గుత్తి సర్కిల్ వరకు భారీ ర్యాలీ చేపట్టారు. అనంతరం ఎమ్మెల్యే శ్రీదేవి ఆర్డీవో కార్యాలయంలో నామినేషన్ దాఖలు చేశారు. ఈ కార్యక్రమంలో కర్నూల్ పార్లమెంట్ వైసిపి అభ్యర్థి బి.వై. రామయ్య, వైఎస్ఆర్సిపి రాష్ట్ర కార్యదర్శి చెరుకులపాడు ప్రదీప్ రెడ్డి, జిల్లా అధ్యక్షురాలు సత్యనారాయణమ్మ, నియోజకవర్గ పరిశీలకులు వెన్నపూస రవీంద్రారెడ్డి, మాజీ ఎంపీపీ నాగరత్నమ్మ, కేడీసీసీ బ్యాంక్ మాజీ వైస్ చైర్మన్ రామచంద్రారెడ్డి, ఐదు మండలాల పార్టీ నాయకులు, కార్యకర్తలు, అభిమానులు అధిక సంఖ్యలో పాల్గొన్నారు.
