మద్దికేరలో టిడిపి కార్యాలయాన్ని ప్రారంభించిన కేఈ శ్యామ్ బాబు
కర్నూలు నజీర్ ప్రతినిధి/ పత్తికొండ/మద్దికేర, మే 04, (సీమకిరణం న్యూస్) :
పత్తికొండ నియోజకవర్గంలోని మద్దికేరలో ఉన్న యస్ సి కాలనీ నందు నూతన టీడీపీ టిడిపి కార్యాలయాన్ని పత్తికొండ నియోజకవర్గం టిడిపి ఎమ్మెల్యే అభ్యర్థి కేఈ శ్యామ్ బాబు, ఎంపి అభ్యర్థి పంచలింగాల నాగరాజు ముఖ్య అతిథులుగా హాజరై కార్యాలయాన్ని ప్రారంభించారు. అనంతరం తెలుగుదేశం పార్టీ నాయకులు, కార్యకర్తలతో కలిసి సమావేశం నిర్వహించారు. 13న జరిగే ఎన్నికల్లో సైకిల్ గుర్తుకు ఓటు వేయించాలని గతంలో తెలుగుదేశం పార్టీ చేసిన అభివృద్ధి ప్రజల్లోకి తీసుకుపోవాలని తెలుగుదేశం పార్టీ ప్రారంభించిన పథకాలు ప్రజలకు తెలియజేయాలని పత్తికొండ నియోజకవర్గం టిడిపి ఎమ్మెల్యే అభ్యర్థి కేఈ శ్యామ్ బాబు, ఎంపి అభ్యర్థి పంచలింగాల నాగరాజు నాయకులను కార్యకర్తలను కోరారు. అనంతరం కొత్తపల్లి బొజ్జినాయిని పేట గ్రామంలో ఎన్నికల ప్రచారం నిర్వహించారు. ఈ సందర్భంగా వారు మాట్లాడుతూ తెలుగుదేశం పార్టీ అధికారంలోకి వచ్చిన వెంటనే మహిళల కోసం అమల చేసే పథకాలు, వాటి ప్రయోజనాలను ప్రజలకు వివరించినట్లు తెలిపారు.తల్లికి వందనం, ఏడాదికి మూడు గ్యాస్‌ సిలిండర్లు, ఆడబిడ్డ నిధి, బీసీ రక్షణ చట్టం, తాగునీరు ద్వారా మహిళల ఆర్థిక స్థితిగతులు మెరుగుపడేలా చంద్రబాబు సూపర్‌ సిక్స్‌ పథకాలను పొందుపరిచారని, యువతకు పెద్దపీట వేయనున్నట్లు వారు తెలిపారు. మహిళలకు ఉచిత బస్సు ప్రయాణం కల్పిస్తారన్నారు. ఈ కార్యక్రమంలో టిడిపి నాయకులు, కార్యకర్తలు, జనసేన, బిజెపి నాయకులు కార్యకర్తలు పాల్గొన్నారు.
