వైసీపీలోనే కొనసాగుతాం :

రత్నాపల్లి వైకాపా మద్దతుదారులు

సొంత గూటికి చేరుకున్న రత్నాపల్లి వైకాపా నాయకులు, కార్యకర్తలు

పత్తికొండ ప్రతినిధి/ వెల్దుర్తి, మే 06, (సీమకిరణం న్యూస్) :

వెల్దుర్తి మండలంలోని రత్నాపల్లి గ్రామానికి చెందిన వైకాపా మద్దతుదారులు ఆదివారం కంబాలపాడులో పత్తికొండ తెదేపా అభ్యర్థి కెఇ శ్యామ్ బాబు సమక్షంలో తెదేపాలో చేరారు. అయితే 24 గంటలు గడవక ముందే వారు వెల్దుర్తి మండల కేంద్రంలోని వైకాపా కార్యాలయంలో సోమవారం వైకాపా యువ నాయకులు కంగాటి రామ్మోహన్ రెడ్డి, మండల వైకాపా కన్వీనర్ బొమ్మన రవిరెడ్డి, మాజీ జడ్పీటిసి సమీర్ కుమార్ రెడ్డి ఆధ్వర్యంలో రత్నాపల్లి గ్రామ వైకాపా నాయకులు రమణారెడ్డి, భాస్కర్ రెడ్డి కృషితో సొంత గూటికి చేరుకున్నారు. తిరిగి సొంత గూటికి చేరుకున్న వారికి రామ్మోహన్ రెడ్డి వైకాపా పార్టీ కండువాలు వేసి పార్టీలోకి సాదరంగా ఆహ్వానించారు. సొంత గూటికి చేరుకున్న పులికంటి శ్రీరాములు, రామాంజనేయులు, రాజు, యల్లరాజు, మౌలాలి, రాజు, రంగన్న, అంజి తదితరులు మాట్లాడుతూ తమకు గౌండ యూనియన్ మీటింగ్ కు అని పిలిపించుకొని కంబాలపాడుకు తీసుకువెళ్లారని అక్కడ తెదేపా పార్టీ కండువాలు వేశారన్నారు. తాము ఈ విషయాన్ని గుర్తించి తిరిగి వైకాపాలోకి వచ్చామని తాము వైకాపాలోనే కొనసాగుతామని వారు తెలిపారు.