వెల్దుర్తి పట్టణంలో నిర్వహించే ర్యాలీని విజయవంతం చేయండి
వెల్దుర్తి మండల వైఎస్సార్సీపీ నాయకుడు కంగాటి రామ్మోహన్ రెడ్డి, వెల్దుర్తి మండల కన్వీనర్ బొమ్మన రవి రెడ్డి
కర్నూలు ప్రతినిధి /పత్తికొండ/ వెల్దుర్తి, మే 10, (సీమకిరణం న్యూస్) :
ఎన్నికల ప్రచారంలో భాగంగా వెల్దుర్తి పట్టణంలో ఉదయం 9 గంటలకి భారీ ర్యాలీ నిర్వహిస్తున్నట్లు కావున వెల్దుర్తి మండలంలోని ప్రతి ఒక్కరూ పెద్ద సంఖ్యలో హాజరై విజయవంతం చేయాలని వెల్దుర్తి మండల వైఎస్సార్సీపీ నాయకుడు కంగాటి రామ్మోహన్ రెడ్డి, వెల్దుర్తి మండల కన్వీనర్ బొమ్మన రవి రెడ్డిలు తెలిపారు. శుక్రవారం వెల్దుర్తి పట్టణంలోని వైఎస్ఆర్ కాంగ్రెస్ పార్టీ మండల కార్యాలయంలో వారు విలేకరులతో మాట్లాడుతూ
వెల్దుర్తి మండలంలోని సర్పంచులు, ఎంపిటిసి, జడ్పిటిసి మెంబర్లు, నాయకులు, కార్యకర్తలు, పెద్ద ఎత్తున హాజరై ర్యాలీలో పాల్గొని కార్యక్రమాలు కార్యక్రమాన్ని విజయవంతం చేయాలని తెలిపారు. ముందుగా ఉదయం 9 గంటలకు వెల్దుర్తి మండల వైఎస్సార్సీపీ కార్యాలయం నుండి పాత బస్టాండ్ సర్కిల్ వరకు భారీ ర్యాలీ కార్యక్రమం ఉంటుందని అనంతరం సభను ఉద్దేశించి ప్రసంగిస్తారని తెలిపారు. కావున ఈ కార్యక్రమానికి వెల్దుర్తి మండల ప్రజలు, వైఎస్ఆర్సిపి నాయకులు, కార్యకర్తలు, వెల్దుర్తి గ్రామ ప్రజలు అందరూ పాల్గొని సభను విజయవంతం చేయాలని కోరారు.
