ఓటు హక్కును వినియోగించుకున్న ఎమ్మెల్యే కంగాటి శ్రీదేవి

ఓటు హక్కును వినియోగించుకున్న పత్తికొండ ఎమ్మెల్యే కంగాటి శ్రీదేవి

పత్తికొండ నియోజకవర్గ ప్రజలకు ప్రత్యేక అభినందనలు తెలిపిన ఎమ్మెల్యే కంగాటి శ్రీదేవి

కర్నూలు ప్రతినిధి/ పత్తికొండ/ వెల్దుర్తి, మే 13, (సీమకిరణం న్యూస్) :

వెల్దుర్తి మండలంలోని చెరుకులపాడు గ్రామంలో సోమవారం జరిగిన అసెంబ్లీ, లోక్సభ ఎన్నికలు ప్రశాంతంగా జరిగాయి. పత్తికొండ నియోజకవర్గ ఎమ్మెల్యే కంగాటి శ్రీదేవి స్వగ్రామమైన చెరుకులపాడులోని పోలింగ్ కేంద్రంలో పత్తికొండ నియోజకవర్గ ఎమ్మెల్యే కంగాటి శ్రీదేవి తమ ఓటు హక్కును వినియోగించుకున్నారు. తనతో పాటు రాష్ట్ర వైకాపా కార్యదర్శి చెరుకులపాడు ప్రదీప్ కుమార్ రెడ్డి, కుటుంబసభ్యులందరు తమ ఓటు హక్కును వినియోగించుకున్నారు. ఈ సందర్భంగా కంగాటి శ్రీదేవి మాట్లాడుతూ ఓటర్లు తమ ఓటు హక్కును ప్రశాంతంగా వినియోగించుకున్నారని ఆమె తెలిపారు. ఓటు హక్కు స్పూర్తిని కలిగించిన పత్తికొండ నియోజకవర్గ మహిళలకు, వృద్ధులకు, యువకులకు ప్రత్యేక అభినందనలు తెలిపారు. సార్వత్రిక ఎన్నికల సందర్భంగా పత్తికొండ నియోజకవర్గంలోని వెల్దుర్తి, క్రిష్ణగిరి, తుగ్గలి, మద్దికెర, పత్తికొండ మండలాల పరిధిలోని పోలింగ్ సరళిని ఆమె పరిశీలించారు.