ఓటు హక్కును వినియోగించుకున్న కేఈ శ్యామ్ బాబు
పోలింగ్ కేంద్రాలను పరిశీలించిన కేఈ శ్యామ్ బాబు
కర్నూలు ప్రతినిధి /పత్తికొండ/ వెల్దుర్తి, మే 13, (సీమకిరణం న్యూస్):
పత్తికొండ పట్టణంలోని మండల పరిషత్ ఆదర్శ పాఠశాలలోని పోలింగ్ కేంద్రంలో పత్తికొండ నియోజకవర్గం తెలుగుదేశం పార్టీ ఎమ్మెల్యే అభ్యర్థి కేఈ శ్యామ్ బాబు క్యూ లైన్ లో నిలబడి తన ఓటు హక్కును వినియోగించుకున్నారు. అనంతరం పత్తికొండ నియోజకవర్గంలోని పోలింగ్ కేంద్రాలను సందర్శించి పోలింగ్ సరళిని పరిశీలించారు. అనంతరం వెల్దుర్తి మండలంలోని రామళ్లకోట, చెరుకులపాడు గ్రామాలతో పాటు వెల్దుర్తి పట్టణంలోని పలు పోలింగ్ కేంద్రాలను పత్తికొండ తెదేపా ఎమ్మెల్యే అభ్యర్థి కేఈ శ్యామ్ బాబు సందర్శించి పోలింగ్ సరళిని పరిశీలించారు. ఆయనతో పాటు ఆయా పోలింగ్ కేంద్రాల్లో జిల్లా తెదేపా నాయకులు బొమ్మన శివశంకర్ రెడ్డి, బొమ్మిరెడ్డిపల్లి సుబ్బరాయుడు, కెఇ నిఖిలేష్ గౌడ్, మండల తెదేపా అధ్యక్షులు టి. ఇ. బలరాంగౌడ్, బొమ్మన రమాకాంత్ రెడ్డి, మాజీ ఎంపిపి యల్.ఇ. జ్ఞానేశ్వర్ గౌడ్ తదితరులు పోలింగ్ సరళిని పరిశీలించారు.
