ఎన్టీఆర్ జయంతి వేడుకలను విజయవంతం చేయండి 

ఎన్టీఆర్ జయంతి వేడుకలను విజయవంతం చేయండి

వెల్దుర్తి మండల టిడిపి సీనియర్ నాయకులు బొమ్మిరెడ్డి పల్లె సుబ్బారాయుడు

కర్నూలు ప్రతినిధి/ వెల్దుర్తి, మే 27, (సీమకిరణం న్యూస్) :

తెలుగుదేశం పార్టీ వ్యవస్థాపక అధ్యక్షుడు, తెలుగుజాతి కీర్తిని నలుదిశలా వ్యాపింపజేసిన మహానటుడు దివంగత మాజీ ముఖ్యమంత్రి ఎన్టీఆర్ జయంతి వేడుకలను అభిమానులు పార్టీ నాయకులు కార్యకర్తలు ప్రతి ఒక్కరూ పాల్గొని విజయవంతం చేయాలని వెల్దుర్తి మండల టిడిపి సీనియర్ నాయకులు బొమ్మిరెడ్డి పల్లె సుబ్బరాయుడు పేర్కొన్నారు. సోమవారం వెల్దుర్తి పట్టణంలోని టిడిపి కార్యాలయంలో ఆయన విలేకరుల సమావేశం ఏర్పాటు చేశారు. ఈ సందర్భంగా ఆయన మాట్లాడుతూ పత్తికొండ నియోజకవర్గం టిడిపి ఎమ్మెల్యే అభ్యర్థి కేఈ శ్యామ్ బాబు ఆదేశాల మేరకు మంగళవారం వెల్దుర్తి పట్టణంలోని తెలుగుదేశం పార్టీ నూతన కార్యాలయంలో ఉదయం 10 గంటలకు ఎన్టీఆర్ జయంతి వేడుకలు నిర్వహిస్తున్నట్లు ఆయన తెలిపారు. ముందుగా ఎన్టీఆర్ కాంస్య విగ్రహానికి పాలాభిషేకం చేసి పూలమాలలు వేసి ఘనంగా నివాళులు అర్పించడం జరుగుతుందన్నారు. అనంతరం తెలుగుదేశం పార్టీ కార్యాలయంలో ఏర్పాటు చేసిన భారీ కేక్ ను కట్ చేయడం జరుగుతుందని తెలిపారు. కావున వెల్దుర్తి మండలంలోని ఎన్టీఆర్ అభిమానులు తెలుగుదేశం పార్టీ అభిమానులు నాయకులు కార్యకర్తలు ప్రతి ఒక్కరూ భారీ సంఖ్యలో హాజరై స్వర్గీయ ఎన్టీఆర్ జయంతి వేడుకలను విజయవంతం చేయాలని ఆయన కోరారు.