ఎమ్మెల్యే కేఈ శ్యామ్ బాబును కలిసిన పోలీస్ అధికారులు
కర్నూలు ప్రతినిధి/పత్తికొండ/వెల్దుర్తి, జూన్ 07 (సీమకిరణం న్యూస్) :
సార్వత్రిక ఎన్నికల్లో 14,211 ఓట్ల మెజారిటీతో విజయం సాధించిన పత్తికొండ టీడీపీ ఎమ్మెల్యే
కేఈ శ్యామ్ బాబును శుక్రవారం పోలీస్ అధికారులు కలిశారు. పత్తికొండ టౌన్ లో ఉన్న ఎమ్మెల్యే స్వగృహం నందు డి.ఎస్.పి శ్రీనివాస్ రెడ్డి తో పాటు సీఐలు మురళి మోహన్, ప్రవీణ్ కుమార్ రెడ్డి ఎస్సైలు పోలీసు సిబ్బంది తదితరులు పత్తికొండ ఎమ్మెల్యే కేఈ శ్యామ్ బాబును మర్యాదపూర్వకంగా కలిసి పుష్పగుచ్చం అందించి శుభాకాంక్షలు తెలిపారు. ఈ సందర్భంగా ఎమ్మెల్యే కేఈ శ్యామ్ బాబు మాట్లాడుతూ పత్తికొండ నియోజకవర్గంలో శాంతిభద్రతల పరిరక్షణ కోసం, పోలీసులు పని చేయాలని సూచించారు. పోలీస్ డిపార్ట్మెంట్ కు తన సహకారం ఎప్పుడూ ఉంటుందని ప్రజా జీవనానికి ఇబ్బందులు కలిగించే అసాంఘిక కార్యక్రమాలపై గట్టి చర్యలు చేపట్టాలని సూచించారు.
