హెరాల్డ్స్ స్కూల్లో ఘనంగా స్వాతంత్ర్య దినోత్సవ వేడుకలు
కర్నూలు ప్రతినిధి, ఆగస్టు 15, (సీమకిరణం న్యూస్):
78వ స్వాతంత్ర్య దినోత్సవం సందర్భంగా కర్నూలు నగర శివారులలోని ఇడ్లీ హోటల్ సమీపంలో ఉన్న హెరాల్డ్స్ ఇంగ్లీష్ మీడియం స్కూల్ లో స్వాతంత్ర్య దినోత్సవ వేడుకలు ఘనంగా నిర్వహించారు. స్కూల్ ఆవరణలో మహాత్మా గాంధీ చిత్రపటానికి పూలమాలలు వేసి నివాళులర్పించి, జాతీయ పతాకమును ఎగురవేసి జాతీయ గీతముతో వందన సమర్పణ గావించారు. అనంతరం విద్యార్థులు సాంస్కృతిక ప్రదర్శనలతో ఆకట్టుకున్నారు. మహనీయుల వేషధారణలో విద్యార్థులు అలరించారు. ఈ సందర్భంగా హెరాల్డ్స్ ఇంగ్లీష్ మీడియం స్కూల్ కరస్పాండెంట్ పౌలూస్ మాట్లాడుతూ ఎందరో మహానుభావుల త్యాగాల ఫలితంగా దేశానికి స్వాతంత్ర్యం లభించిందని, దానిని కాపాడుకోవాల్సిన బాధ్యత మన అందరి పైన ఉందని, స్వాతంత్రోద్యమ లక్ష్యాలు సాధించడానికి ప్రతి ఒక్కరు కృషి చేయాలని, దేశాన్ని ప్రగతి పథాన నడిపించాలని విద్యార్థులను కోరారు. ప్రతి విద్యార్థి మన దేశ చరిత్ర, మన సంస్కృతి, సాంప్రదాయాలను కాపాడుకోవాల్సిన బాధ్యత మనందరిపై ఉందన్నారు. ఈ కార్యక్రమంలో స్కూల్ ప్రిన్సిపాల్ మరీయట్ట తోపాటు ఉపాధ్యాయులు అనీ, నవీన, విద్యార్థిని విద్యార్థులు, తల్లిదండ్రులు పాల్గొన్నారు.
