ఐచర్ ఢీకొని వృద్ధుడు మృతి
కర్నూలు క్రైమ్, ఆగస్టు 17, (సీమకిరణం న్యూస్)
కర్నూల్ నగరం చౌరస్తాలో ఐచర్ వాహనం ఢీకొని ఓ వృద్ధుడు మృతి చెందినట్లు ట్రాఫిక్ సీఐ మన్సూరుద్దీన్ తెలిపారు. శనివారం సాయంత్రం సుమారు ఆరు గంటల ప్రాంతంలో కల్లూరు ప్రాంతానికి చెందిన అబ్దుల్ రహమాన్ (60) బళ్లారి చౌరస్తా వైపు నుంచి కల్లూరు వైపు వెళుతుండగా వెనక నుండి వస్తున్న ఐచర్ వాహనం ఢీకొనడంతో అక్కడికక్కడే మృతి చెందాడు. ఈ మేరకు ట్రాఫిక్ పోలీసులు ఐచర్ వాహనాన్ని స్వాధీనం చేసుకొని కేసు నమోదు చేశామన్నారు. మృతుడు ఆర్టీసీ ఉద్యోగిగా ఉన్నట్లు సమాచారం.
