ఓరియన్ స్కూల్ లో ఘనంగా రాఖీ పౌర్ణమి వేడుకలు
కర్నూలు ప్రతినిధి, ఆగస్టు 19, (సీమకిరణం న్యూస్) :
కర్నూలు నగరంలోని వివిఎస్ ఫంక్షన్ హాల్ రోడ్డులోని శ్రీ సాయినాథ్ నగర్ లో ఉన్న ది ఓరియన్ స్కూల్ లో రాఖీ పౌర్ణమి వేడుకలు ఘనంగా నిర్వహించారు. విద్యార్థినిలు విద్యార్థులకు స్వీట్లు తినిపిస్తూ రాఖీలు కట్టారు. అనంతరం పాఠశాల కరెస్పాండెంట్ రమణ మాట్లాడుతూ ప్రతి సంవత్సరం మా పాఠశాలలో రాఖీ పండుగ విశిష్టత గురించి విద్యార్థులకు తెలిపడంతో పాటు, సామాజిక అంశాలపైన అవగాహన కల్పిస్తున్నామన్నారు. తరతరాలుగా పండగలు మనం జరుపుకుంటున్న దాంట్లో భాగంగానే ఈ రాఖీ పండుగను మా స్కూల్లో ఘనంగా జరుపుకోవడం జరిగిందని రాఖీ పండుగ ముఖ్య ఉద్దేశం అన్న చెల్లెల మధ్య ఆత్మీయ అనురాగాలు కలగలిపి ఈ రాఖీ పండుగ జరుపుకోవడం జరుగుతుందని మా పాఠశాలలో ప్రతి పండుగను జరుపుకోవడం జరుగుతుందని దానికి సంబంధించిన విశిష్టతను పిల్లలకు వివరించడం జరుగుతుందన్నారు. ఈ కార్యక్రమంలో విద్యార్థిని విద్యార్థులు మరియు ఉపాధ్యాయులు పాల్గొన్నారు.
