సీసీ రోడ్డు నిర్మాణానికి భూమి పూజ చేసిన ఎమ్మెల్యే

సీసీ రోడ్డు నిర్మాణానికి భూమి పూజ చేసిన ఎమ్మెల్యే విరూపాక్షి

హొళగుంద, ఆగస్టు 28, (సీమకిరణం న్యూస్) :

హొళగుంద బస్టాండ్ నుండి స్థానిక బిసి కాలనీకి వెళ్ళు దారిలో సీసీ రోడ్డు నిర్మాణానికి ఎమ్మెల్యే విరుపాక్షి భూమి పూజ చేశారు. బుధవారం హొళగుంద కు విచ్చేసిన ఎమ్మెల్యే విరుపాక్షి కి స్థానిక వైసిపి నాయకులు, కార్యకర్తలు ఘన స్వాగతం పలికారు.అనంతరం సీసీ రోడ్డు నిర్మాణానికి ఎమ్మెల్యే విరుపాక్షి భూమి పూజ చేశారు. ఈ సందర్భంగా ఎమ్మెల్యే విరుపాక్షి మాట్లాడుతూ సీసి రోడ్డు నిర్మాణ పనులను వేగవంతంగా పూర్తి చేయాలని అన్నారు. మండల కేంద్రంతోపాటు మండల పరిధిలోని గ్రామాల్లో నెలకొన్న సమస్యలను తన దృష్టికి తీసుకువస్తే వీలైనంత త్వరగా సమస్యలను పరిష్కరించేందుకు కృషి చేస్తామన్నారు.