తెలుగు ప్రజలకు విజయదశమి శుభాకాంక్షలు
ఆంధ్రప్రదేశ్ ముఖ్యమంత్రి చంద్రబాబు నాయుడు
విజయవాడ, అక్టోబర్ 12, (సీమకిరణం న్యూస్) : విజయదశమి సందర్భంగా దేశ, విదేశాల్లోని తెలుగు ప్రజలందరికీ శుభాకాంక్షలు. ఈ దసరా పండుగ ప్రజలంతా సుఖశాంతులతో వర్థిల్లాలని, చెడు పై మంచి సాధించిన విజయానికి ప్రతీకగా పూజించే ఈ పండుగ మన జీవితాల్లో కొత్త వెలుగులు నింపాలని కోరుకుంటున్నాను.
కనకదుర్గమ్మ తల్లిని స్మరించుకుంటూ, దుష్ట సంహారం తర్వాత శాంతి, సౌభ్రాతృత్వం నిండిన సమాజాన్ని నిర్మించడంలో ప్రతి ఒక్కరూ తమ వంతు పాత్ర పోషించాలని ఆకాంక్షిస్తున్నాను. దసరా పండుగ సందేశం అందరికి శాంతి, అభివృద్ధి దిశగా కలిసి ముందుకు నడవాలని సూచిస్తోంది.
తొమ్మిది రోజుల పాటు శక్తి ఆరాధనకు ప్రాధాన్యతనిస్తూ, అమ్మవారి తొమ్మిది అవతారాలను దర్శించుకున్నాం. మరో వైపు తిరుమల వేంకటేశ్వర స్వామివారి బ్రహ్మోత్సవాలు ఘనంగా నిర్వహించుకున్నాము. ఇలాగే సర్వజన సంక్షేమం కోసం ప్రతి ఒక్కరూ కృషి చేయాలని, పండుగ స్ఫూర్తిని కొనసాగించాలని కోరుకుంటున్నాను.
మరోమారు తెలుగు ప్రజలందరికీ విజయదశమి శుభాకాంక్షలు!
