కాకినాడ డీఎఫ్‌వో రవీంద్రనాథ్ రెడ్డిపై విచారణకు డిప్యూటీ సీఎం పవన్ ఆదేశాలు
అమరావతి (సీమకిరణం న్యూస్):
కాకినాడ డీఎఫ్‌వో (డివిజనల్ ఫారెస్ట్ ఆఫీసర్) రవీంద్రనాథ్ రెడ్డిపై అవినీతి ఆరోపణల నేపథ్యంలో డిప్యూటీ సీఎం పవన్‌కు ఫిర్యాదులు చేరాయి. మైనింగ్‌, అటవీశాఖ అధికారులకు ఫోన్‌ చేసి బెదిరిస్తున్నట్లు రవీంద్రనాథ్ రెడ్డిపై పలువురు ఆరోపణలు చేశారు. ఈ నేపథ్యంలో డిప్యూటీ సీఎం పవన్ వెంటనే విచారణకు ఆదేశాలు జారీ చేశారు. డీఎఫ్‌వో రవీంద్రనాథ్ రెడ్డి తన పేరు, కార్యాలయం పేరుతో అవినీతికి పాల్పడితే కఠిన చర్యలు తీసుకుంటామని పవన్ హెచ్చరించారు. ఈ విషయమై త్వరగా విచారణ జరిపి నివేదిక సమర్పించాలని సంబంధిత అధికారులను ఆదేశించారు. ఈ సంఘటన రాష్ట్ర రాజకీయ వర్గాల్లో చర్చనీయాంశంగా మారింది.
