ఘనంగా అమరజీవి శ్రీ పొట్టి శ్రీరాములు జయంతి వేడుకలు
తెలుగు ప్రజల కోసం తన జీవితాన్ని త్యాగం చేసిన గొప్ప వ్యక్తి శ్రీ పొట్టి శ్రీరాములు
ఆయన త్యాగం మనందరికీ స్ఫూర్తి
చిల్డ్రన్స్ పార్క్ లో శ్రీ పొట్టి శ్రీరాములు విగ్రహానికి పూలమాలవేసి నివాళులర్పించిన జిల్లా కలెక్టర్ పి.కోటేశ్వర రావు :-
కర్నూలు కలెక్టరేట్, మార్చి 16,( సీమకిరణం న్యూస్) :
తెలుగు ప్రజల కోసం తన జీవితాన్ని త్యాగం చేసిన గొప్ప వ్యక్తి పొట్టి శ్రీరాములు అని ఆయన త్యాగం మనందరికీ స్ఫూర్తి అని జిల్లా కలెక్టర్ పి.కోటేశ్వర రావు అన్నారు. తెలుగు ప్రజల ఆత్మగౌరవం కోసం తెలుగు ప్రజలు ఒక రాష్ట్రంగా ఉండాలని ఆంధ్ర రాష్ట్ర సాధనకు 58 రోజులు ఆమరణ నిరాహార దీక్షతో ఆంధ్రప్రదేశ్ రాష్ట్రాన్ని సాధించిన పొట్టి శ్రీరాములు జయంతి వేడుకలలో భాగంగా బుధవారం కర్నూలు నగరపాలక సంస్థ చిల్డ్రన్ పార్క్ లోని అమరజీవి పొట్టి శ్రీరాములు జయంతి సందర్భంగా ఆయన విగ్రహానికి జిల్లా కలెక్టర్ పి.కోటేశ్వర రావు, కర్నూలు నగర పాలక సంస్థ కమిషనర్ డి.కె.బాలాజీలు పూలమాలలు వేసి నివాళులర్పించి పుష్పాంజలి ఘటించారు. ఈ కార్యక్రమంలో కర్నూలు అర్బన్ తహసీల్దార్, తదితరులు పాల్గొన్నారు.
